“Bota duhet të vazhdojë të nxjerrë naftë dhe gaz për të mbështetur qytetërimin, duke zhvilluar burime të qëndrueshme të energjisë”, tha themeluesi i Tesla, Elon Musk para gazetarëve në një konferencë shtypi në Norvegji.
“Realisht mendoj se ne duhet të përdorim naftën dhe gazin në afat të shkurtër, sepse përndryshe qytetërimi do të she mbet”, tha Musk gjatë një takimi për energjinë në qytetin jugor të Stavanger.
I pyetur nëse Norvegjia duhet të vazhdojë të nxjerrë naftë dhe gaz, Musk tha: “Unë mendoj se disa eksplorime të mëtejshme janë të garantuara në këtë kohë”.
“Një nga sfidat më të mëdha që është përballur ndonjëherë bota është tranzicioni drejt energjisë së qëndrueshme dhe ekonomisë së qëndrueshme”, tha ai përpara se të përfundonte, duke theksuar se “do të duhen disa dekada për t’u përfunduar”.
