Kryeministri Edi Rama ka sqaruar ditën e sotme se pse Shqipëria nuk ka ende satelitë në hapësirë. Kreu i qeverisë kishte premtuar se vendi ynë do të lëshonte dy satelitë në orbitë, “Albania 1” dhe “Albania 2” brenda Marsit 2022.
Në një postim në “Twitter” Rama shkruan se thotë atë që bën dhe bën atë që thotë por vonesat s’janë në dorën e tij. Ai thekson se nuk do i ndahet zotimit.
“Padurim të madh paskan pasur disa për satelitët e sipas modës së re thonë ç’të duan pa pyetur fare more si është puna! Po një gjë çuditem si nuk duan ta kuptojnë: Unë them atë që bëj e bëj atë që them dhe kur vonesat s’janë në dorën time thjesht bëj durim,po zotimit s’i ndahem jo!”, shkruan Rama.
