Shorti i Champions League për fazën me eliminim direkt për 1/16 prodhoi çifte të forta, ku spikasin përballjet mes Atletico Madrid dhe Bayern Munchen, Interit dhe Ajax dhe Paris SG me Manchester United.
Sfidat e vajtjes do të mbahen në datat 15/16-22/23 shkurt, ndërsa ato të kthimit në datat 8/9-15/16 mars. Të gjitha takimet do të luhen në orën 21:00. Shorti i çerekfinaleve, gjysmëfinaleve dhe finales do të mbahet të premten më 18 mars.
Nuk do të vlejë më avantazhi i golave të shënuar në fushën kundërshtare. Shembull: Nëse një ekip humbet 3-1 në transfertë dhe fiton 2-0 në shtëpi, shkohet në shtesë dhe më pas penallti. Finalja do të zhvillohet më 28 maj në “Gazprom Arena” të Shën Pjetërburgut.
