Kryeministri Edi Rama mbrëmjen e sotme ka qenë i ftuar në emisionin “Log” me gazetarin Endri Xhafo, ku i është përgjigjur pyetjeve për vaksinat, ekonominë dhe bllokimin e aeroportit të Rinasit.
Teksa emisioni po i drejtohej pjesës së fundit dhe moderatori njoftoi për një hapësirë publicitare, Rama nuk e pranoi, duke thënë se nuk do të rrinte më në emision.
Ai u shpreh se do të largohej,ndaj iu kërkoi gazetarëve të bënin pyetjen e fundit. Më pas, kryeministri hoqi mikrofonin dhe iku nga studio.
Edi Rama: Edhe sa do zgjasë kjo? Sa është ora?
Endri Xhafo: Ora është 11 e 20
Edi Rama: Po çfarë bëni kështu mor? Më merrni mua në orën 9, më thoni 1 orë e gjysmë dhe më përdorni mua si… ça i keni këto emisione 2 orë e gjysmë. Më përdorni për reklama nga gjysmë ore. Nuk rri më gjatë, më bëj pyetjen e fundit. Këtë bëni të gjithë ju, se nuk e bën vetëm ti. Ti e ke mësuar nga Fevziu këtë. Më mbani për blloqe publicitare deri në 12 të natës. Më keni thënë deri në 10 e 20. Më bëni pyetjen e fundit.
