Italia ka urdhëruar një bllokim mbarëkombëtar për pjesën më të madhe të periudhës së Krishtlindjeve dhe Vitit të Ri në një përpjekje për të luftuar një rritje të rasteve të koronavirusit.
Vendi është shpallur “zonë e kuqe” gjatë festave duke përfshirë mbylljen e dyqaneve, bareve dhe restoranteve. Italianët lejohen të udhëtojnë vetëm për punë, shëndet dhe arsye urgjente. Qytetarët kanë mundësi të kryejnë vetëm vizita të kufizuara në shtëpi.
Kryeministri italian Giuseppe Conte tha se ky nuk ishte “një vendim i lehtë”, raporton BBC.
“Ekspertët tanë ishin seriozisht të shqetësuar se do të kishte një kërcim të rasteve gjatë Krishtlindjeve … Prandaj na u desh të vepronim,” tha ai në një konferencë shtypi.
Italia ka regjistruar numrin më të lartë të vdekjeve nga Covid në Evropë, me afër 68,000 viktima.Conte tha se fillimi i vaksinimit këtë muaj do të shënonte fillimin e “fundit të këtij makthi”.
Njoftimi i kufizimeve të Krishtlindjeve të Premten pasoi ditët e debatit politik në koalicionin qeverisës midis atyre që dëshironin një bllokim të plotë dhe të tjerëve që kërkonin mbyllje të pjesshme për të ndihmuar bizneset dhe për të lejuar familjet të takoheshin.
Italia do të jetë zonë e kuqe nga data 24 deri më 27 dhjetor dhe nga data 31 Dhjetor deri më në 3 Janar dhe nga 5 janari deri në 6. Gjatë kësaj periudhe njerëzit “mund të largohen nga shtëpia vetëm për arsye pune, nevoje dhe shëndeti”, tha Conte.
Por, shtoi ai, qytetarët janë të lejuar të marrin 2 mysafirë në shtëpi, pa llogaritur fëmijët nën 14 vjeç. Shtetrrethimi vazhdon nga ora 22:00 deri më 05:00 të mëngjesit, ndërsa lirimi i masave pritet të ndodhë në janar.
