A është në një lidhje Ervin Salianji? Po, por se me kë, ende nuk dihet! Ish-deputeti i Partisë Demokratike, ka qenë i ftuar mbrëmë në emisionin “Shiko kush luan” të Luana Vjollcës.
Ai mori pjesë në një nga sfidat e prezantueses, sipas së cilës duhet t’i përgjigjej sa më shumë pyetjeve ndërkohë që hapte petë për byrek.
Pyetjet i bënte aktori i Portokallisë, Florian Binaj. Mes pyetjeve të shumta, ishte edhe: “A po bashkëjeton me njeri tani?”
“Pa diskutim që po,” tha Salianji. Ndërsa kur Binaj e pyeti se “Me kë?”, Salianji dha një përgjigje diplomatike: “Me byrekun tani”, duke qenë se po hapte petët për byrek. Gjithses, një gjysmë përgjigje, ish-deputeti e ka dhënë, duke pohuar se është në një lidhje. /noa.al/
