Produktet origjinale bëjnë diferencën nga ato false apo të ngjashme me to.
Por ndonjëherë mund të ndodhë që edhe të gënjeheni dhe mendoni se në të vërtetë keni blerë diçka origjinale.
Ka disa mënyra në fakt për të dalluar nëse ajo që blini është origjinale apo jo.
1. Kontrolloni si duket logoja.
Logoja do të shtypet gabim ose do të shfaqet me njolla. Nëse është false ka një ngjyrë të verdhë në vend të së bardhës.
2. Në orat e shtrenjta kontrolloni metalin dhe tingullin.
Orat më të shtrenjta kanë mekanizma të lëmuar, që do të thotë se nuk duhet të ketë tinguj që dridhen. Vendosni orën afër veshit tuaj dhe nëse dëgjoni ndonjë tingull, është më mirë ta lini.
Orat e rreme zakonisht bëhen me materiale më të lira dhe më të lehta se ato origjinale.
3. Kontrolloni qepjen në rrobat dhe këpucët.
Qepja duhet të jetë më e pastër dhe më e fortë në produktet origjinale. Veshjet dhe këpucët origjinale kanë më shumë qepje.
4. Kontrolloni etiketat në rroba.
Prodhuesit e rremë zakonisht përdorin pajisje fabrike me cilësi më të ulët, kështu që etiketat mund të qepen keq.
Kushtojini vëmendje detajeve. Etiketa do të jetë me një ngjyrë tjetër dhe me cilësi të dobët në krahasim me pjesën origjinale dhe shkronjat në të mund të kenë hapësirë të ndryshme.
5. Kontrolloni mbështjelljen e kozmetikës dhe parfumit që do të blini.
Produktet e rreme shpesh kanë mbështjellje plastike ose metali të një cilësie më të ulët.
6. Kontrolloni kopsat.
Nëse dëshironi të blini një xhaketë ose pallto, hidhni një vështrim në kopsat brenda dhe jashtë. Markat origjinale do të kenë plastikë me cilësi të mirë me emrin e kompanisë të gdhendur. Falsifikimet do të përdorin plastikë të lehtë dhe nganjëherë do të jenë pa etiketim.
7. Kontrolloni cilësinë e ekranit kur doni të blini smartphone.
Falsifikimet mund të duken tepër profesionale dhe nganjëherë është e vështirë të gjesh ndryshime midis tyre dhe origjinalit.
Ekrani nuk duhet të jetë i trashë ose me kokrra. Kjo lloj gjëje ndodh kur përdoret një panel me rezolucion të ulët.
Cilësia e kamerës nuk duhet të jetë e paqartë. /k.k/noa.al/
