Moderatorja e njohur Bora Zemani, në këtë sezon të ri televiziv do të shfaqet ekranin e Top Channel.
Fotoja që vetë ajo ka postuar nga ambientet e Top Channel, nuk lë vend për shumë hamendësime.
Burime të sigurta konfirmojnë për “revistawho” se pas eksperiencës si drejtuese e disa formateve në “Tring” dhe “Vizion Plus” si “3shat”, “Albanian Designers Competition”, etj., Zemani do të vijë çdo ditë në shtëpitë e shqiptarëve me një format që është bërë i famshëm gjatë sezonit të shkuar.
“Përputhen” rubrika që u dha mundësi vajzave dhe djemve të gjenin shpirtin binjak në “E diell”, do të kthehet tashmë në një emision të përditshëm, sërish me autorësi të Olsa Muhametit.
Formati që u dha famë disa të rinjve që aspironin televizionin, do të drejtohet nga Bora Zemani, por nuk do të mungojnë në të figura të tjera televizive. Olti Curri nuk do të jetë më në poltronin e opinionistit.
