Ndërmarrjet me pronarë apo bashkëpronarë të huaj zënë 4% të ndërmarrjeve aktive, krahasuar me 3,8% në vitin 2018 dhe punësojnë 11,9% të të punësuarve gjithsej.
Instituti i Statistikave publikoi së fundmi raportin “Regjistri i ndërmarrjeve, 2019”, sipas të cilit, ndërmarrjet nga vendet e Bashkimit Europian përfaqësojnë 65,3% të ndërmarrjeve të huaja e të përbashkëta.
Referuar të dhënave të INSTAT-t, ndërmarrjet me pronarë apo bashkëpronarë me origjinë italiane dhe greke përfaqësojnë 53,4% të ndërmarrjeve të huaja e të përbashkëta gjithsej.
Po ashtu, të dhënat tregojnë se ndërmarrjet e huaja e të përbashkëta janë përqendruar kryesisht në qarqet Tiranë dhe Durrës, me 77,1%. /atsh
