OBSH përshëndeti sot zmbrapsjen e pandemisë së koronavirusit të ri në shumë vende, por u bëri thirrje atyre për vigjilencë ekstreme gjatë periudhës së heqjes së kufizimeve.
Një pjesë e Europës, përfshirë Francën dhe Spanjën, filluan sot lehtësimin e kufizimeve në lëvizjen e njerëzve, të vendosura për të frenuar përhapjen e virusit dhe për të shmangur mbingarkimin e sistemit të tyre shëndetësor.
“Heqja e kufizimeve në këto vende dëshmon për suksesin e përpjekjeve të bëra për ngadalësimin e virusit dhe shpëtimin e jetëve”, vlerësoi drejtori i përgjithshëm i OBSH-së, Tedros Adhanom Ghebreyesus, gjatë një konferencë virtuale për shtyp, në Gjenevë.
Zyrtarët e OBSH-së kanë argumentuar se një kthim në normalitet nuk mund të bazohet në njohuritë aktuale epidemiologjike, por në një imunitet kolektiv hipotetik./atsh
