Nga fillimi i epidemisë së COVID-19 deri tani numri i efektivëve të infektuar është tetë punonjës.
Lajmi është konfirmuar nga përfaqësuesja e Institutit të Shëndetit Publik, Marjeta Dervishi në komunikimin me mediet.
Ndërkohë sipas saj, dy mjekë janë të shtruar në spitalin Infektiv.
“Tirana ka numrin më të lartë të të shëruarve, kjo për faktin se ka numrin më të lartë të të prekurve, për t’u ndjekur nga Fieri, Korça, Durrësi dhe Lezha”, – tha Dervishi.
Në 24 orët e fundit janë testuar 162 persona të dyshuar, prej të cilëve janë konfirmuar 7 raste të reja me COVID-19./atsh
