Kryegjyshi Botëror i Bektashinjëve, Haxhi Dede Baba Edmond Brahimaj, i ka dhuruar Policisë së Tiranës, 1 mijë maska mbrojtëse dhe 1 mijë litra me dezinfektantë.
‘Kryegjyshata si gjithmonë ka qenë në ndihmë të njerëzve, të atyre që punojnë në frontin e parë sic është Policia, Mjekësia dhe kemi menduar që të bëjmë një donacion në këto momente të vështira që të jemi të gjithë bashkë, solidarë, për të përballuar këtë armik të padukshëm dhe kemi menduar që të porosisim një mijë copë maska dhe 200 litra dezinfektantë ambientesh, të cilët po t’i shumëzosh me 5, 1 mijë litrat për të pastruar ambientet e Drejtorisë së Policisë Tiranë kudo që janë. Por edhe policia duke u ndeshur çdo ditë me mikrobet të ketë mundësi edhe ti ndërrojë edhe ti ruajë, për të përballuar këto vështirësi që ka në këto momente, duke u ndeshur me njerëzit. Nëse mjekësia është në front të parë me virusin, por edhe ju jeni në frontin e dytë dhe nuk e di kush e ka atë virus, kështu që jemi mundur që t’iu mbrojmë edhe ju si bijtë tanë, që jeni në shërbim dhe punoni pa pushim, natë e ditë, 24 orë. Nuk e dimë sesa do të zgjasë, por ne do të jemi gjithmonë në ndihmën tuaj”, tha ai.
Nga ana tij, Drejtori i Policisë së Tiranës u shpreh se policia është në mbrojtje të qytetarëve, ndërsa falënderoi Baba Mondin për gjestin solidar, por edhe të gjithë qytetarët që janë korrekt me orët e lejuara. /atsh
