Kryetarja e LSI-së Monika Kryemadhi ka prezantuar sot 7 masa që duhet të marrë qeveria për situatën e jashtëzakonshme të krijuar në vend për shkak të koronavirusit.
Kryemadhi propozoi heqjen e taksave lokale për të gjitha bizneset dhe familjet duke filluar nga muaji mars dhe për gjatë gjithë kohëzgjatjes së kufizime nga karantina. Garantimi i pagesave me vlerë 80% për të gjithë personat, që janë në punë, por nuk mund të punojnë dhe për pasojë nuk punojnë për arsye të mbylljes së aktivitetit të sipërmarrjeve ku ata punojnë për shkak të karantinës, përfshirë dhe të gjithë ushtruesit e profesioneve të lira. Pagesat e tilla pra në këtë masë 80% duhet të kryhen në numrat e llogarisë të punësuarve për të devijuar çdo lloj abuzimi me këtë masë.
Po ashtu, tha ajo “të rimbursohen nga shteti sigurimet shoqërore dhe shëndetësore të kategorive të punonjësve të trajtuar me 60% të pagës, për të gjithë periudhën në të cilën këta punonjës do të jenë pa punë për shkak të karantinimit dhe kohës që do t’i duhet biznesit për të rikthyer aktivitetin e biznesit dhe pasojat dhe kthimin e tyre në punë. Me shumë rëndësi është subvencionimi për të gjithë fermerët, prodhimet e të cilëve nuk mund të shiten për arsye të bllokimit të transportit dhe masave të tjera të forta kufizuese dhe të pamundësisë së sigurimit të imputeve bujqësore dhe për pasojë mos realizimit të prodhimeve bujqësore. AZHBR duhet të bëjë një disbursim me procedura të përshpejtuara sapo kjo masë të miratohet nga qeveria”.
“Subvecionim të të gjithë pagesave, të palikujduar studentëve, të cilët i kanë këto pagesa si detyrim për vitin shkollor 2019-2020. Shlyerjen e pagesave të TVSH si dhe tatimeve për një periudhë më të vonë, në vlerësimin të kohëzgjatjes së karantinës, por jo më parë se muaji qershor. Për të gjithë ata qytetarë që janë të regjistruar në asistencë si dhe për pensionistët, shteti të marrë përsipër simbursimin e faturave të energjisë elektrike dhe të ujit”, tha Kryemadhi./atsh
