Mjeku i njohur në shërbimin infektiv pranë Qendrës Spitalore Universitare “Nënë Tereza”, Tritan Kalo ka vlerësuar mbështetjen që po u bëhet mjekëve dhe infermierëve, për punën që po kryejnë ne frontin e parë të luftës.
Përmes një statusi, Kalo citon vlerësimin e bërë nga professor Kastriot Myftiu, mjek në Elbasan.
MIRËNJOHJE që në mendimin tim e tejkalon shkallën më të lartë të respektit…Prof. Kastriot Myftiu, një erudit e përkthyes shumë dimensional i gjuhës angleze, një Mjek i shumëditur i Mjeksisë Alternative, një djalë Elbasani 24 karatësh. Ka bërë në adresën time dedikimin e mëposhtëm, i cili më ka lënë pa fjalë POR për të cilin i jam tejskarisht mirënjohës…..NUK e di nëse i meritoj ato çka shkruhen, por një mbështetje e tillë më shtyn edhe më shumë të ecim së bashku përpara në betejën me COVID-19.….NË MIRËKUPTIM dhe në MBËSHTETJE të njëri-tjetrit, NE DO T’IA DALIM MBANË ME SIGURI!!!!”, -thotë Kalo.
Mjeku Kalo i ka bërë thirrje të njëpasnjëshme qytetarëve që të qëndrojnë pranë banesave të tyre, të ruajnë higjienën personale pasi vetëm në këtë mënyrë do të frenohet përhapja e mëtejshme e virusit./atsh
