Gripi është një sëmundje serioze e cila mund të çojë në gjendje të rëndë shëndetësore me shtrime në spital, e ndonjëherë deri në vdekje.
Antibiotikët nuk veprojnë ndaj viruseve por si mund ta mbrojmë veten nga koronavirusi?
Ministria e Shëndetësisë dhe Mbrojtjes Sociale ka ndarë disa këshilla për të shmangur infektimin nga ky virus.
“Masa bazike të higjienës së duarve, siç është larja e duarve me ujë dhe sapun.
Higjiena respiratore, kur kolliteni apo teshtini, përdorni bërrylin ose shami.
Shmangia e kontakteve të ngushta me çdo person që shfaq simptoma të sëmundjeve respiratore, si kollë apo teshtitje.
Mënjanimet e kontakteve të panevojshme me kafshë të gjalla apo produktet e tyre dhe larja e duarve pas prekjes së tyre.
Aplikimi i praktikave të higjienës ushqimore. Sigurohuni që mishi është gatuar mire para se të konsumohet”, -këshillojnë specialistët e ministrisë së Shëndetësisë./atsh
