Turistët që do të vizitojnë rivierën e Shqipërisë verën e ardhshme do të gjejnë një rrugë të rehabilituar nga Llogoraja në Sarandë.
Autoriteti Rrugor Shqiptar njofton se po vazhdon puna për rehabilitimin e aksit Llogora-Sarandë.
“Aktualisht në zonën Palasë-Borsh po bëhet riparimi i shtresave të dëmtuara asfaltike”, thekson ARRSH
Më pas, shton ARRSH, “do të vijohet me sinjalistikën vertikale dhe horizontale, sidomos në zonat e banuara, me qëllim rritjen e sigurisë rrugore në këtë aks”.
Ky aks rrugor lehtëson qarkullimin rrugor në rivierën shqiptare, e cila ka një fluks të madh udhëtarësh për gjatë gjithë sezonit veror pasi kalon në plazhet më të bukura të Shqipërisë dhe më të preferuara nga turistët vendas dhe të huaj./atsh
