Shqipëria ka bërë përmirësimin më të shpejtë në rezultatet e testit PISA ndër vite, ndërsa rezultatet e sivjetshme tregojnë se reforma në arsimin parauniversitar po jep frytet e veta.
Ministria e Arsmit, Sportit dhe Rinisë thekson se ka ende punë për të arritur standardet që duam.
Në një video të përgatitu nga Qendra e Shërbimeve Arsimore bëhet e ditur se çfarë është PISA dhe eksperiencën që Shqipëria ka patur në intervalin 2012-2018.
PISA, programi për vlerësimin ndërkombëtar të nxënësve mat aftësitë e tyre për të zbatuar atë që kanë mësuar në shkollë në situata të jetës reale, duke vlerësuar jo çfarë ata dinë, por çfarë mund të bëjnë me atë që dinë. Testimet PISA nuk janë të lidhura drejtpërdrejt me kurrikulën e çdo vendi.
Qëllimi i saj është të vlerësojë sistemet arsimore kudo në botë, të mësojnë nga politikat dhe praktikat e vendeve që kanë demonstruat përmirësim dhe zhvillim.
Shqipëria është një nga 79 vendet që morën pjesë në PISA 2018. Kjo ishte pjesëmarrja e 5-të e Shqipërisë, përveç asaj në vitin 200, 2012 dhe 2015.
Përgatitja vazhdon për ciklin e ardhshëm në vitin 2021. Dëshira dhe nevoja e politikbërësve për të kuptuar se si krahasohet performanca e nxënësve në vend, në raport me standardet ndërkombëtarë dhe me vendet që përballen me sfida të ngjashme. Identifikimi i aspekteve që lidhen me performancën ndërkombëtare në tërësi në mënyrë që të përqasen në kontekstin arsimor shqiptar.
Lidhur me performancën e nxënësve shqiptarë ndër vite në Lexim, Matematikë dhe Shkencë rezultatet janë këto; në Lexim dhe Matematikë mesatarja e arritjeve të nxënësve është rritur me 56 pikë nga viti 2000 në 2018.
Në Shkencë mesatarja e arritjeve të nxënësve është rritur me 41 pikë nga viti 2000 në 2018.
Ne ciklin e 2018 Shqipëria, vendi i parë në mesin e të gjithë pjesëmarrësve të PISA, që uli më së shumti përqindjen e performuesve të dobët në matematikë (me 26%) nga viti 2009 në vitin 2018.
Rreth 19% e nxënësve shqiptarë që i përkasin profilit më të ulët socio-ekonomik në vend, kanë performuar në 25%-in e më të mirëve të Matematikës në rang ndërkombëtar.
Ministria e Arsimit, Sportit she Rinisë bën të ditur se “aktualisht Shqipëria po përgatitet për PISA 2021”. /atsh
https://www.facebook.com/arsimitsportitdherinise/videos/2510392555945793/?t=0
