Nga indiferentizmi lindin populizmat terrene pjellore për urrejtjen, deklaroi papa Françesku në Vatikan.
“Është shqetësuese rritja, në shumë pjesë të botës, e një indiferentizmi egoist, ku njerëzit mendojnë vetëm për veten e tyre”, tha ai.
”Jeta është e mirë nëse është e mirë për mua, mendojnë ata dhe, kur ka diçka që nuk shkon, atëherë shpërthen zemërimi dhe ligësia”, theksoi papa.
”Urrejtja rritet me shpejtësi në këto kohë. Kohët e fundit ne kemi qenë dëshmitarë të rigjallërimeve barbare të antisemitizmit. Unë nuk lodhem duke dënuar me forcë të gjitha format e antisemitizmit’’, përfundoi papa./atsh
