Delegacioni i Bashkimit Europian në Shqipëri përkujtoi sot 27 Janarin, Ditën e Përkujtimit të Holokaustit, ndërsa vlerësoi kontributin e Shqipërisë në shpëtimin e mijëra jetëve.
“Sot në Ditën e Përkujtimit të Holokaustit duhet të qëndrojmë së bashku për të sfiduar urrejtjen dhe të punojmë drejt një të ardhmeje më të mirë”, deklaroi Delegacioni i Bashkimit Europian.
Po ashtu, delegacioni i Bashkimit Europian vlerësoi kontributin e Shqipërisë për të shpëtuar më shumë se 2000 hebrenj.
“Shqipëria është një shembull i shkëlqyeshëm i kësaj, duke shpëtuar jetën e më shumë se 2000 hebrenjve gjatë Luftës së Dytë Botërore, ndërsa miliona të tjerë po shfaroseshin në të gjithë Europën”, deklaroi Delegacioni i BE-së. /atsh
