SOT JAM ME VALBONËN…
Jo për lumin e bjeshkëve të Tropojës, për ish qytetaren nr.1të Durrësit e kam fjalën.
Besoj të gjithë njerëzit normalë të këtij kontinenti e kuptuan që shprehja e pa vend që kjo zonjë bëri në një intervistë të drejtpërdrejtë televizive ishte një lapsus i pastër…
Por, gjithashtu, po të gjithë e morën me mend apo parashikuan se menjëherë do të niste edhe anatemimi, nga të gjitha drejtimet …
As e njoh e as kam ndonjë lidhje me këtë emër që deri mëngjezin e sotshëm ka qenë qytetarja e parë e Durrësit.
Nga sot po. E njoh dhe më duhet ta mbaj mend si një person të rrallë që bëri një gjest të Madh, një akt të munguar gjatë në këtë nahien tonë…
E ç’moj dorëheqien e saj, veçse do të dëshiroja shumë që pikërisht veprimi i saj, tejet civil, të mos ishte një “sebep”…
