676 persona për periudhën 20 – 27 dhjetor 2019 i shtohen listës të përfituesve, subjekt i ligjit “Për trajtimin financiar suplementar të punonjësve që kanë punuar në miniera në nëntokë, të punonjësve të industries së naftës e të gazit dhe të punonjësve që kanë punuar në metalurgji”.
Drejtori i Institutit të Sigurimeve Shoqërore, Astrit Hado bëri të ditur se deri më datë 27 dhjetor 2019, ka arritur në 4 753 në total numri i personave përfitues nga ky ligj. “Vazhdon puna për përmbylljen sa më të shpejtë të këtij proces”, -tha Hado.
Kjo është lista e shtatë me përfitues që ISSH publikon, ndërsa me shqyrtimin një pas një të dosjeve që dorëzohen lista shtohet.
Pensionin për shkak të profesionit (llojit të punës) e përfitojnë ish-punonjësit,të cilët kanë kryer procese pune në miniera në nëntokë, në industrinë e naftës e të gazit. ish-punonjësit dhe në metalurgji në profesione, punë dhe ndërmarrje, sipas përcaktimeve të Këshillit të Ministrave, “Për ndarjen e punëve në kategori për efekt pensioni”.
Deri tani janë depozituar mbi 17 mijë kërkesa për përfitim nga ky ligj, të cilat do të marrin përgjigje brenda një kohe të shkurtër. Por, ISSH apelon qytetarët të vijojnë të dorëzojnë aplikimet pranë degëve rajonale të sigurimeve shoqërore./atsh
http://www.issh.gov.al/wp-content/uploads/2019/12/LISTA_20_27_DHJETOR_2019.pdf?fbclid=IwAR2tr0QLsxgOhNlg09piFhi_K3jEfjU7vld6pHD_vjrHqRIJ-L8BPcpTcmQ
