“Ne kemi punuar me kryeministrin Edi Rama dhe me qeverinë e Shqipërisë deri në minutën e fundit për të përmirësuar draftin e ligjit të medies dhe për të sjellë në linjë me standardet ndërkombëtare dhe angazhimet e OSBE-së”, tha pasditen e sotme, përfaqësuesi i OSBE-së për lirinë e Medies, Harlem Desir.
“Shumë përmirësime në versionin e fundit të botuar sot në krahasim me projektligjet e mëparshme: detyrimet e regjistrimit janë eliminuar; masa mbrojtëse të përgjithshme lidhur me standardet ndërkombëtare të prezantuara (neni 4); janë futur kufij të rreptë për marrjen e përmbajtjes (neni 132); (2/5)”, theksoi ai në një reagim në Twitter.
“Rregullimi i së drejtës së përgjigjes është përshtatur me nevojat e botimeve elektronike dhe është kufizuar për të shmangur keqpërdorimet (neni 53/1); atribuimi i ri i Autoritetit të Komunikimeve Elektronike dhe Postare (AKEP) është eliminuar. (3/5)”, tha ai.
“Puna do të vazhdojë për të zvogëluar nivelin e gjobave, dhe për miratimin e një instrumenti nënligjor në të ardhmen, në mënyrë që të garantohet që asnjë gjobë joproporcionale nuk mund të vendoset për ofruesit e shërbimeve elektronike. (4/5)”, theksoi përfaqësuesi i OSBE-së për lirinë e Medies, Harlem Desir.
“Zyra ime do të monitorojë nga afër zbatimin e ligjit, i cili në asnjë mënyrë nuk duhet të pengojë lirinë e shprehjes dhe lirinë e medieve. AMA duhet ta zbatojë ligjin në mënyrë vërtet të pavarur. (5/5)”, përfundon reagimin Desir./atsh
