Komisioni i Jashtëm i Vlerësimit konfirmoi sot në detyrë Tonin Vocaj, drejtor i Policisë Kriminale.
Në seancën dëgjimore të zhvilluar më 11 dhjetor, Vocaj u përballë me gjetjet e komisionit, lidhur me vlerësimin e pasurisë, kontrollin e figures si dhe vlerësimin e aftësive profesionale.
Procesi i vlerësimit kalimtar të punonjësve të Policisë së Shtetit dhe Gardës, bazohet në parimin e ligjshmërisë, të barazisë përpara ligjit dhe të proporcionalitetit, duke garantuar të drejtën e punonjësve për një proces të rregullt ligjor./atsh
