Partia Demokratike depozitoi sot në prokurori një kallëzimin penal për projektin e Unazës se Re si dhe ka kërkuar pezullim të punimeve.
Në një prononcim për mediat, ish-deputeti i PD-së, Klevis Balliu dhe Sekretari i Çështjeve Ligjore në PD, Çlirim Gjata thanë se PD i kërkon prokurorisë nisjen e hetimeve dhe pezullimin e punimeve deri ne përfundimin e hetimeve.
“Ne kemi prova dhe fakte se ku projekt ka qëllim kullat dhe jo rrugën, vjedhjen dhe jo rrugën. Si ka mundësi që kompania Salillari që është aktualisht nën hetim te loti numër 2 ka fituar tenderin tek loti numër 1, i të njëjtit projekt dhe këto prova ia kemi dërguar prokurorisë. Të gjitha aferat korruptive, të gjitha dokumentet e falsifikuara, shkeljet ligjore, shkeljet e VKM-ve, sot janë faktuar dhe janë provuar dhe kjo prokurori të nis hetimet dhe të pezullojë punimet te unaza e re”, tha ai.
Sekretari i Çështjeve Ligjore në PD, Çlirim Gjata u shpreh se “shkeljet janë kaq të rënda dhe kaq shumë ka që kanë futur duart në këtë korrupsion, vetëm vullneti vullneti politik i qeverisë mund ta bëjë këtë prokurori të mos nis hetimet, kaq flagrante janë shkeljet”. /atsh
