Kryeministri Edi Rama deklaroi sot se “tërmeti në Partinë Demokratike është tërmet i realizuar me metoda artificiale, solidariteti im është për ata që janë prekur nga tërmeti natyral”.
Në konferencën për shtyp, duke iu përgjigjur pyetjes për koment ndaj deklaratës së kryetarit të PD-së, Lulzim Basha, Kryeministri ka në dorë zgjidhjen e krizës politike dhe se keni në tryezën tuaj platformën antikrizë të opozitës së bashkuar dhe ose do të zgjidhni atë ose do të hapni krahun, Rama tha se “mendoj që më e rëndësishme sesa të harxhojmë kohën e njëri tjetrit dhe të njerëzve me procesin: “ai tha, por ti si thua”, le të merremi me njerëzit, me problemet reale”.
“Tërmetet artificiale unë kam në dorë t’i krijoj, por s’kam në dorë t’i parandaloj kur ndodhin diku tjetër. Tërmetet larg qoftë natyrale askush nga ne si ndalon dot, ajo që ne kemi në dorë është të bëjmë atë që kemi në dorë, atë çfarë nuk kemi në dorë as nuk e bëjmë dot dhe as më tepër nuk e imponojmë dot. Është njësoj si një karrocë me kalë, t’i thotë një treni hap krahun”, – nënvizoi Rama./atsh
