Inspektorët e peshkimit vijojnë kontrollin e anijeve të peshkimit që ushtrojnë aktivitet në ujërat shqiptare.
Gjatë ditës së sotme kontrolli është shtrirë në ujërat e detit Adriatik ku janë verifikuar 2 anije peshkimi si dhe është kontrolluar fizikisht anija “Rozafa 15”.
“Një hap përpara në ngritjen e nivelit të kontrollit të inspektorëve të peshkimit. Në bashkëpunim me EFCA ( Agjencia Europiane e Kontrollit për peshkimin) u verifikuan (2 anije peshkimi). Po ashtu u kontrollua fizikisht anija “Rozafa 15” në ujërat e detit Adriatik. Nga kontrolli rezultoi se Rozafa 15 ishte plotësisht në zbatim të legjislacionit shqiptar dhe atyre ndërkombëtare”, informoi zëvendësministri i Bujqësisë, Roland Kristo.
Ka një program të qeverisë shqiptarë që shkon në mbështetje të biodiversitetit dhe sektorit të peshkimit.
Ditët e fundit në liqenin e Ohrit u hodhën rreth 1.5 milionë rasate peshku Koran për të bërë të mundur ripopullimin e kësaj specie kaq të veçantë. Pas Ohrit u krye edhe pasurimi me peshk i liqenit të Fierzës, në Kukës ku u hodhëm rreth 160 mijë rasate krapi.
Qeveria ka shprehur angazhimin për hedhjen e rasatit edhe në liqene të tjera të vendit./atsh
