Kryetari i Partisë Demokratike, Lulzim Basha ka reaguar sot ndaj kryeministrit Edi Rama, i cili citoi Kancelaren e Gjermanisë Angela Merkel, drejtuesit e BE, Donald Tusk dhe Jean Claude Juncker dhe kryeministrin e Maqedonisë së Veriut, Zoran Zaev mbi vendimin e vendeve të BE për të mos hapur negociatat me Shqipërinë dhe Maqedoninë e Veriut.
Basha ka publikuar citimet e Kancelares Angle Merkel, të Presidentit të Francës, Emanuel Macron, Kryeministrin e Holandës, Mark Rutte si dhe Tytti Tuppurainen, Ministre e Finlandës për Çështjet Europiane,.
Basha ka shtuar se, “megjithë lojërat e Ramës për t’u fshehur pas propagandës, të gjithë e shohin me sy të vërtetën. Ai dështoi të na afrojë me Europën. Shqiptarët meritojnë hapjen e negociatave. Një njeri e pengon këtë rrugë. Europa e refuzoi, tani është koha ta refuzojnë shqiptarët”./atsh
