Kryeministri Edi Rama ndodhet në Shtetet e Bashkuara të Amerikës, ku do të marrë pjesë në punimet e Asamblesë së Kombeve të Bashkuara.
Gjatë qëndrimit në Nju-Jork, Kryeministri Edi Rama është takuar me një qytetar nga Kosova, që jeton dhe punon në SHBA si punonjës sigurie në zyrat e Kombeve të Bashkuara.
Në një video të publikuar Kryeministri Rama i shoqëruar nga qytetari nga Kosova shprehet: “Kosova ruan derën e Kombeve të Bashkuara”.
Edhe gjatë ditës së djeshme Kryeministri Rama në hyrje të hotelit ku po qëndron në Nju-Jork u takua me tri menaxhere që ishin nga Kosova, Maqedonia e Veriut dhe Mali i Zi, të cilat i kanë kërkuar në gjuhën shqipe që të bënin një foto së bashku./atsh
