I trishtuar dhe i shqetësuar kur mësova për serinë e tërmeteve shkatërrimtare në Shqipëri, që shkaktoi më shumë se 100 të plagosur, shtuar këtu edhe dëmtimet serioze në infrastrukturë, shkruan në Twitter komisioneri i Bashkimit Europian për Zgjerimin, Johannes Hahn.
”Bashkimi Europian ofroi menjëherë asistencë nëpërmjet aktivizimit të mundshëm të ashtuquajtur Mekanizmi Europian i Mbrojtjes Civile”, shton Hahn.
Shqipëria u godit dje nga një numër tërmetesh, që kanë shkaktuar deri tani 108 të plagosur dhe dëme materiale./ atsh
