Kreu i Partisë Demokratike, Lulzim Basha deklaron se “Qeveria premtoi 300 mijë vende pune, por i përzuri nga Shqipëria më shumë se 300 mijë shqiptarë”.
Sipas Bashës, janë vjedhur, abuzuar dhe shpërdoruar miliarda euro në këto 6 vite duke shtuar se “të gjitha kanë përfunduar në xhepat e Edi Ramës dhe klientëve të tij ose janë shpërdoruar për tekat e tij në fasada dhe lluks”.
“Shqiptarët janë pa punë sepse ekonominë dhe mundësitë ekonomike i kanë marrë oligarkët dhe klientët e Edi Ramës. Që të hapim vende pune dhe mundësi për njerëzit, duhet të largojmë bandën e grabitqarëve”, përfundon Basha. /atsh
