Agjencia Kombëtare e Zonave të Mbrojtura duke marrë shkas nga temperaturat e larta që stimulojnë dhe zjarret, ka vendosur në gjendje gatishmërie 24 orë një zjarrfikëse në Parkun Kombëtar Llogara.
AKZM Vlorë shprehet se megjithëse ende nuk kemi asnjë rast zjarri në Zonat e Mbrojtura, Administrata Rajonale e Zonave të Mbrojtura, Vlorë prej 3 muajsh ka vendosur në gjendje gatishmërie 24 orë një zjarrfikëse, e cila qëndron ne pranë njësive akomoduese të Parkut Kombëtar Llogara.
Ndërkohë, 12 ADZM-të në sajë të projektit NatuAL, financuar nga BE janë pajisur me rreth 60 kostume kundra zjarrit, kapele, pompa uji, lopata, si dhe mjete të tjera për shuarjen e flakëve.
AKZM, ju bën thirrje banorëve të këtyre zonave, turistëve dhe qytetarëve të tjerë të kenë kujdes, qe te mos shkaktojnë zjarre qofshin nga pakujdesia dhe te qëllimshme, për të cilat ka procedime penale./atsh
