“Pushtimi i plazheve publike dhe rrumpalla në administrimin e plazheve e të territorit bregdetar në tërësi nga njësitë vendore, duhet të marrë fund”, deklaron kryeministri Edi Rama.
Ndonëse beteja e Policisë së Shtetit dhe inspektoriateve qendrore, qysh nga fillimkorriku në plazhe, po ndikon në përmirësimin situatës duke iu kthyer hapësirat publike pushuesve, Rama shprehet se kjo nuk mjafton.
Për ti dhënë fund kësaj situate, Kreu i Ekzekutivit bën të ditur se në vjeshtë do të paraqesin në Kuvend ligjin e ri për mbrojtjen dhe administrimin e vijës bregdetare nga shteti.
“Kjo pasuri kombëtare i takon POPULLIT dhe pushimet u takojnë njerëzve, jo abuzuesve të çdo kategorie; nga tregtarët që nuk lëshojnë kuponat, tek harbutët që zaptojnë plazhet dhe deri tek zyrtarucë shtetërorë e pushtetarë vendorë, të cilët në vend të detyrës ndaj vendit dhe pushuesve, u bëjnë qoka dëmtuesve e zhurmuesve. Zero tolerance ndaj abuzuesve nuk është moto fushate, po linja e re e qeverisjes deri në fund dhe në çdo drejtim”, deklaron Rama./atsh
https://web.facebook.com/edirama.al/videos/752610258501501/?t=0
