Njëzet e tetë qendrat shëndetësore të cilat funksionojnë 24 orë në shtatë ditë u kanë shërbyer 37,739 pushuesve dhe turistëve nga veriu në jug të vendit që nga 1 qershori i këtij viti.
Shifrat janë bërë të ditura nga Ministria e Shëndetësisë dhe Mbrojtjes Sociale, ku të gjithë pushuesit dhe turistët kanë akses në shërbime shëndetësore cilësore dhe me standarde në të 28 qendrat shëndetësore verore.
“MIRËMËNGJES, dhe me këto përshtypje mbi shërbimin e ofruar në 28 qendrat shëndetësore verore të ngritura nga veriu ne jug, 24 orë në dispozicion të pushuesve e turistëve, ju uroj një ditë të mbarë”, shprehet kryeministri Edi Rama.
Nuk ka rëndësi nëse po kalon pushimet në veri apo në jug të në bregdet apo në mal. Të gjithë pushuesit dhe turistët kanë akses në shërbime shëndetësore cilësore dhe me standarde në të 28 qendrat shëndetësore verore.
“Vij nga Gjermani, ndihmën ma kanë dhënë menjëherë këtu dhe jam e kënaqur. Faleminderit Velipoja”, -thotë një turiste gjermane që ka marrë shërbim shëndetësor në Velipojë.
“Shërbimi këtu është absolutisht i mirë, çdo gjë është perfekt”, -shprehet një pushues tjetër.
Ndërkaq, ministrja shtoi se janë 986 misione të kryera me autoambulancë në gatishmëri për qytetarët.atsh
