Mediat italiane shkruajnë se trupi i pajetë i një shqiptari 27 vjeç u gjet brenda një makine tip “Volksvagen Polo”.
Siç raportojnë mediat e vendit fqinj, i riu shqiptar Serxhio Veizi u gjet me shenja gjaku, kurse shumë pranë tij është gjetur edhe një armë zjarri, e cila besohet se është arma e krimit. Nuk dihet deri më tani nëse i riu nga Shqipëria është vrarë apo është vetëvrarë.
Ngjarja ndodhi sot pasdite (27 gusht) rreth orës 15:00 në anë të rrugës provinciale Casarano-Ugento. Hetimet për këtë ngjarje të rëndë po vazhdojnë, për të zbuluar më tej atë që ndodhi./balkanweb
