Partia Socialiste mbledh sot Asamblenë Kombëtare në orën 16.00.
Në fokus të Asamblesë Kombëtare është analiza e zgjedhjeve të 30 qershorit si dhe zgjedhjet e përgjithshme në Partinë Socialiste.
Në rendin e ditës, pas fjalës së kryetarit të Partisë Socialiste Edi Rama është analizë mbi rezultatet e zgjedhjeve vendore të 30 Qershorit 2019.
Gjithashtu do të shqyrtohen miratimi i Projekt -Vendimit “Për organizimin dhe zhvillimin e zgjedhjeve të përgjithshme në parti” si dhe i Projekt-Udhëzimit “Për Zgjedhjet e reja të përgjithshme në parti”.
Asambleja Kombëtare do të shqyrtojë dhe miratojë Projekt-Udhëzimin “Për kriteret përzgjedhëse për delegatët e kongresit, kryetarët e partisë të bashkive, kryetarët e KS të Nj.A dhe kryetarët e OS”./atsh
