Qeveria mbështet zhvillimin e prodhimit bujqësor në sera, si sektorin kryesor që po jep impakt në rritjen e prodhimeve të freskëta bujqësore gjithëvjetore dhe eksportin e prodhimeve “Made in Albania” në tregjet e huaja.
Agjencia për Zhvillimin Bujqësor dhe Rural ka financuar për ndërtimin e serave, 244 fermerë në vlerën totale që arrin në 232 milionë lekë në vitin 2018.
Ndërkohë që skema mbështetjes financoi 50% të vlerës së investimit në sera që arrin shumën deri në 150 milionë lekë për hektar, të mbjellë në sera.
Sot prodhimi i perimeve në sera përfaqëson 22% të prodhimit total të perimeve në Shqipëri.
Ndërsa prodhimi i bollshëm i këtij sektori jo vetëm plotësojë kërkesat e tregut vendas por zgjeroj gjeografinë e vendeve për eksport.
Sipas të dhënave zyrtare nga INSTAT, në vitin 2018, prodhimi i perimeve në Shqipëri arriti në 1.166.283 ton. Niveli më i lartë prodhimit të perimeve është në qarqet Fier me 418 921 ton, Tiranë me 127 176 ton dhe Berat me 118 687 ton.
Ndërkohë që eksportet e perimeve shkojnë në vendet e rajonit dhe ato europine si Spanjë, Greqi, Gjermani, Poloni etj./atsh
