Zv.ministrja e Brendshme, Romina Kuko tha sot se ky dikaster ka marrë nga shefja e Misionit të ODHIR, ambasadorja Glover, letër mirënjohjeje për bashkëpunimin mes Ministrisë së Brendshme dhe ODIHR gjatë procesit zgjedhor të 30 qershorit.
“Së bashku me ekipin, e vlerësuar që në rolin e drejtueses së Task Forcës së Ministrisë së Brendshme për Zgjedhjet, morëm nga shefja e Misionit të ODHIR, Ambasadorja Glover, letrën ku shprehet mirënjohje e sinqertë për bashkëpunimin e shkëlqyer mes Ministrisë së Brendshme dhe ODIHR”, shprehet Kuko.
Po ashtu, Kuko falënderon Policinë e Shtetit për menaxhimin profesional të procesit zgjedhor.
“Falënderime ekipit në MB dhe Policisë së Shtetit për përkushtimin pa orar dhe menaxhimin profesional të gjithë procesit në gjithë kompleksitetin e tij”, shprehet ajo.
Gjithashtu, Kuko shpreh falënderime për ODIHR për bashkëpunimin në këtë proces.
“Falënderime ODIHR, për bashkëpunimin e shkëlqyer, korrektesës dhe paanësisë në kryerjen e misionit”, përfundon Kuko. /atsh
