Njësitë e mamografisë së lëvizshme janë vazhdimisht dhe në mënyrë periodike nëpër qytete, sipas një grafiku të caktuar paraprakisht. Mamografia lëvizëse vijon rrugëtimin në të gjithë vendin, duke ofruar mamografi falas për gratë afër vendbanimit, gjatë gjithë vitit.
Mamografia lëvizëse sot ndaloi në Tropojë, ku pas ekzaminimit disa prej grave janë rekomanduar për vizitë të specializuar.
Deri tani për 2019 vetëm nga mamografia e lëvizshme janë realizuar 1373 ekzaminime.
Ekzaminimin e mamografisë mund ta kryejnë të gjitha gratë në moshën mbi 50 vjeç. Por mund ta kryejnë edhe gratë e moshës 40-50 vjeç që janë në risk më të lartë (me risk të lartë konsiderohen ato gra që janë bartëse të defekteve gjenetike, që kanë histori familjare apo personale për kancer gjiri, probleme beninje të gjirit, që kanë fillim të hershëm dhe mbarim të vonshëm të menstruacioneve, mos lindje e fëmijës ose lindja e fëmijës mbi moshën 35 vjeç, obezitet, ind i ngjeshur të gjirit dhe ekspozim ndaj rrezatimit terapeutik).
Zbulimi i hershëm i kancerit të gjirit shpëton jetë. /atsh
