Ministri i Brendshëm, Sandër Lleshaj reagoi ndaj ngjarjes në Bushat të Shkodrës, ku sipas tij, ka pasur sërish një bombë molotov në drejtim të një shkolle. Lleshaj tha se ligji duhet të veprojë.
“Përsëri sulmohet me molotov një shkollë në Shkodër, si shenjë skizofrenie politike e PD për të penguar zgjedhjet. Kryetarët pa mandat nuk mund të mbajnë peng bashkitë me molotov. Ligji do të veprojë!” – thekson Lleshaj.
Mbështetës të PD-së në Vaun e Dejës mbrëmjen e sotme pasi u mblodhën për të protestuar para ambienteve ku është vendosur KZAZ-ja nr. 6 në një shkollë profesionale i kanë vendosur zjarrin. /atsh
