Dita e martë do të ndikohet nga masa ajrore relativisht të paqëndrueshme.
Shërbimi Meteorologjik Ushtarak bën me dije se moti do të jetë i kthjellët në pjesën e parë të ditës, ndërsa në mesditë e pasdite do të kemi zhvillim të vranësirave të cilat do të pasohen nga reshje shiu në formën e shtrëngatave afatshkurtra, të shoqëruar me shkarkesa elektrike.
Reshjet do të prekin zonat kodrinore dhe malore të vendit, në zona të izoluara reshjet do të jenë në formën e breshërit.
Era do të jetë nga Veriperëndimi 2-10 m/s, era fiton intensitet kryesisht në momentin e zhvillimit të vranësirave.
Në fushën termike nuk priten luhatje të ndjeshme.
Më konkretisht:
Zonat malore 15°C deri në 30°C
Zonat e ulëta 18°C deri në 34°C
Zonat bregdetare 20°C deri në 32°C/atsh
