Ish-kryeministri Nikolla Gruevski nuk do të ekstradohet nga Hungaria, sipas vendimit të Gjykatës së Budapestit, njoftoi media hungareze, pasi nuk janë plotësuar kushtet për ekstradimin e tij në Republikën e Maqedonisë së Veriut.
Mediet hungareze publikuan fotografi dhe video të Gruevskit në gjykatë ku, në sallën e seancës, ai ishte me syze dielli dhe kapele.
Një pjesë e medieve në Hungari publikuan se Gruevski është arrestuar për sjelljen e vendimit për kërkesën për ekstradim, ndërsa gjatë ardhjes në gjykatë ai ka shkuar me duart e mbuluara me pallto, i shoqëruar nga dy persona.
Autoritetet hungareze javën e kaluar kanë informuar Ministrinë e Drejtësisë së Republikës së Maqedonisë së Veriut se kanë pranuar kërkesën e kompletuar për ekstradim.
Gruevski, pasi ishte dënuar me dy vjet burg për skandalin e blerjes së një mjeti luksoz, i ashtuquajtur ”tanku”, kërkoi azil në Hungari./atsh
