Rreth 850 mijë shqiptarë kanë zgjedhur linjat ajrore për të udhëtuar jashtë vendit në periudhën janar-prill 2019.
Instituti i Statistikave bën të ditur se, është rritur me 10% numri i pasagjerëve që kanë përdorur linjat ajrore për udhëtim në periudhën janar – prill 2019, krahasuar me të njëjtën periudhë një vit më parë.
Sipas INSTAT, për periudhën janar – shkurt 2019, numri i pasagjerëve të linjave ajrore është 849.797, ndërsa në të njëjtën periudhë të 2018 ky numër shënoi 772.519 pasagjerë.
referuar të dhënave të INSTAT, edhe transporti detar ka ndjerë gjithashtu një rritje të konsiderueshme me rreth 30%, krahasuar me periudhën janar – prill 2018.
Numri i pasagjerëve që kanë përdorur transportin detar në katërmujorin e parë të vitit 2019 është 227.298, ndërsa për po të njëjtën periudhë të vitit 2018, ky numër ka qenë 207.341
Për katërmujorin e parë të 2019, numri i pasagjerëve që ka përdorur transportin hekurudhor ka shënuar 15.931 pasagjerë me një rënie prej 11.4 % kundrejt të njëjtës periudhë në vitin 2018./atsh
