Drejtuesi politik i PS-së në Qarkun e Vlorës, Damian Gjiknuri prezantoi sot zyrtarisht ekipin garues për zgjedhjet e 30 qershorit në Vlorë.
Në mbledhjen e Asamblesë së Partisë Socialiste të Vlorës, Gjiknuri prezantoi kryetarin aktual Dritan Leli, si kandidat për kryetar bashkie, si dhe grupin e këshilltarëve bashkiakë që do të kryesohet nga kryetari i PS-së Vlorë, Anduel Tahiraj.
Gjiknuri shprehu besimin se “ky ekip do të çojë përpara projektet për Vlorën që duam në 4 vitet e ardhshme.
Po ashtu në vijim të prezantimit të ekipit të kandidatëve për zgjedhjet vendore në Qarkun e Vlorës, Gjiknuri prezantoi zyrtarisht para strukturave kandidatin për bashkinë e Selenicës Pëllumb Binaj.
“Më 30 qershor, qytetarët e kësaj njësie vendore do të bëjnë zgjedhjen e duhur, duke i besuar Pëllumbit dhe rikthyer Partisë Socialiste drejtimin e bashkisë, për të bërë realitet projektet për Selenicën që duam”, tha Gjiknuri./atsh
