PD, tha Basha, ka një program të qartë për të sjellë ndryshimet që i duhen Shqipërisë, për një demokraci gjithëpërfshirëse.
“Kemi një program të qartë ekonomik dhe social, që shqiptarët të mos vuajnë më për bukën e gojës. Rama nuk do Shqipërinë e zhvillimit, por të përjashtimit. Ai i do njerëzit të ikin jashtë vendit, jo të rrinë këtu”, tha Basha.
Sipas kreut të PD-së, “rinia po e braktis vendin, ndërsa edhe forca punëtore e mbetur është më pak e kualifikuar”.
“PD do të bëjë që të gjithë shqiptarët të jenë të përfshirë në demokraci, të gjithë të gëzojnë respektin dhe dinjitetin që iu takon”, tha Basha.
Ai vlerësoi po ashtu edhe anëtarësimin në PD të 150 anëtarëve të rinj në Lezhë. Kjo, tha ai, është një tjetër dëshmi e bashkimit të shqiptarëve me PD./atsh
