Një aksident i rëndë ka ndodhur mbrëmjen e sotme në aksin Elbasan-Librazhd.
Ngjarja ka ndodhur pranë fshatit Xibrakë, ku një automjet me katër persona ka dalë nga rruga dhe është përmbysur.
Mësohet se nga ky aksident nuk ka viktima, por të plagosur kanë mbetur katër pasagjerët që udhëtonin në makinë.
Në vendin e ngjarjes ka mbërritur policia dhe po heton për shkaqet e aksidentit. Paraprakisht dyshohet për humbje të kontrollit të automjetit.
