Adhuruesit e muzikës xhaz, me tren nga Tirana në Shkodër

Nën stilin e viteve ’40-’50 me tingujt e mahnitshëm të grupeve shqiptare dhe të huaja, adhurues të këtij zhanri muzikor kanë festuar Ditën Ndërkombëtare të Xhazit.

“Swing Marathon”, edicioni i katërt u zhvillua mbrëmë në Teatrin “Migjeni” ku iu bashkuan mbi 500 adhurues të muzikës xhaz.

Aktiviteti nisi me simbolin e trenit, ku maratonamakët dhe të pasionuarit e këtij zhanri, me të njëjtat veshje, muzikë e kërcime, nisën aventurën nga Tirana për të mbërritur në Shkodër.

I gjithë eventi u shoqërua nga muzika live e interpretuar nga 18 muzikantë të ardhur nga Italia, Gjermania, Anglia dhe vende të tjera.

Teatri “Migjeni” ishte ndalesa e fundit për pjesëmarrësit e këtij eventi, ku për orë të tëra mes muzikës, vallëzimeve dhe ngjyrave duket sikur kthyen kohën pas.?atsh