Përbërësit për Makarona të shkurtra me domate.
Përbërësit për 2-3 persona
150 gr makarona të shkurtra (tipi penete)
2-3 domate
1 qepë të vogël
pak borzilok
pak vaj ulliri
pak kripë
pak djathë parmixhan i grirë
Përgatitja
Mbushim me ujë një tenxhere dhe e vemë të ziejë. Kur uji të fillojë të ziejë i hedhim kripë dhe hedhim makaronat.
Ndërkohë që makaronat zihen, përgatisim salcën. Në një tigan hedhim pak vaj dhe grijmë hollë qepën.
E kavërdisim pak dhe hedhim dhe domatet e grira në rende. Shtojmë pak kripë dhe gjethe borziloku.
Mbulojmë tiganin me kapak dhe e lemë të ziejë me zjarr shumë të ulët. Kullojmë makaronat dhe i bashkojmë me salcën në tigan.
Makronat i shërbejmë të ngrohtë dhe sipër i hedhim parmixhan të grirë.
Ju bëftë mirë
