Ish-portieri i Kombëtares së Shqipërisë dhe njëherësh i Partizanit, Mikel Janku është ndarë sot nga jeta në moshën 78-vjeçare.
Mikel Janku i cili në karrierën e tij ka punuar edhe si gazetar sportiv, ka lindur në Tiranë më 25 tetor 1941.
Ai ka mbrojtur portën e skuadrës së “Partizanit” dhe të Kombëtares së Shqipërisë në periudhën 1962-1969 dhe 1964-1967.
Mikel Janku, shembull i qytetarisë dhe edukimit të brezave të rinj
Mikel Janku ishte shembull i qytetarisë dhe edukimit të brezave të rinj me vlerat më të mira sportive e njerëzore.
Presidenti i Republikës, Ilir Meta ka shprehur sot dhimbjen e thellë për ndarjen nga jeta të Mikel Jankut, të cilëin e ka cilësuar si “personalitet të shquar, të futbollit e sportit dhe gazetarisë sportive”.
“Mikel Janku do të kujtohet me nderim, jo vetëm për kontributin si titullar i “Partizanit” të madh të atyre viteve dhe i ekipit kombëtar, por edhe si shembull i qytetarisë dhe edukimit të brezave të rinj me vlerat më të mira sportive e njerëzore. U prehsh në paqe, në lartësitë e pafundme aviatori ynë i dashur!”, ka theksuar Presidenti Meta./atsh
