Pallatin e Kulturës ” Labëria” sot u ndez nga kënga polifonike,poezia dhe vallja për Ismail Qemalin.
Interpretime nga nxënës të shkollave të mesme të qytetit të Vlorës ,kushtuar jetës dhe veprës së Ismail Qemali, në kuadër të 100 vjetorit të vdekjes.
Inkuadruar në axhendën e veprimtarive të Bashkisë, ky aktivitet, u realizua përmes bashkëpunimit të QKAV, Drejtorisë Rajonale të Kulturës Kombëtare dhe DAR, Vlorë.
Një veprimtari mbresëlënëse e për tu marrë shembull ku nxënësit jo vetëm interpretuan krijimtari nga autorët vlonjatë kushtuar Ismail Qemalit por edhe kënduan polifoni, këngë të kënduara nga gjyshërit dhe stërgjyshërit e tyre.
Këngë të njohura si:“Prapa më vjen historia” e “Në Vlorë foli Prefekti”, kënduar nga nxënësit e shkollave ” Ali Demi” Dhe ” Pavarësi”.-orikuminews
