Përfunduan punimet e projektit të restaurimit të Mureve të Aulonës Antike pranë Sheshit të Flamurit në Vlorë.
Për shkak se gropa e hapur nga gërmimet arkeologjike të viteve 1980, për nxjerrjen e mureve antike ndodhet nën nivelin e Sheshit të Flamurit, prej vitesh ishte kthyer në një basen ujëmbajtës.
Ndërhyrja e këtij projekti parashikon zgjidhjen e drenazhimit të ujërave nëpërmjet nivelimit të terrenit dhe orientimin e tyre drejt një pusete.
Vendet e trashëgimisë kulturore tashmë janë kthyer në destinacione turistike dhe institucionet përkatëse të tyre po kujdesen çdo ditë për mirëmbajtjen e tyre. /atsh
